M-PSY, 1984 – 2009
El Mehdi mouhib (Lmorphine) tzad f 1984 f salé, kbr w9ra f midelt, kan 3endo m3a maths bezaf. Mn be3d lbac f2003 nta9l l marrakech bach ykml 9rayto, tma tbla bl7chich w7yat lil, dak lwe9t mkan maydar fdar mn ghir tfrj f 2M, lmorphine makanch fan kbir dyal tlfaza lmghribya, w3emer we9tou blktaba dyal les textes dyal rap sans instrumental, tma bda kayktachf des codes flktba, li kaykhliw textes dyalo unique wy3jeb ay wa7ed sem3o. F 2004 Lmorphine mabghach ykhli les codes dlktaba li ktachf lrasso w9rer ybda y7et les titres dyalo online, wkhtar f aka dyalo M-Psy. Bda kaykhtar des intrus, ghaliban mn franca, wkay7et les textes dyalo 3lihom. F 2006 kan sme3 par hasard titre d gamehdi li jah different 3la dakchi li kan dak lwe9t fsa7a drap, w9rer ydkhl fl effectif dyal gamehdi, li kan smeytou piranha labo. Had collectif kan fih netro, gamehdi, beatflame, xie-ze w mn be3d 48. Fhad lwe9t M-psy aykhrej maxi mighnatis f 2006, wmn be3d maxi na9ous f 2009, mn be3d had jouj dyal les projets, kan w9e3 mochkil bin les membres dyal piranha labo, surtout bin M-psy w gamehdi w netro, wghaytbeefaw. Lmorphine kan ktb jouj dles clashs, lwl smytou “finek a netro”, wlakher “3o9ab”, aprés M-psy ghaykhrej akhir track dyalo li howa “kharej bnfafer” f 2009, w 3tazl rap!
LMorphine, 2009 – 2024
Mn moura 3am, f2010, L’M-psy ghayrje3 lrap b maxi jdida smeytha “lmorphine”, wghaybdl l aka dyalo mn b3ed l aka jdida li hya “Lmorphine”. F 2012 Lmorphine kan productif bezaf, aykhrj tlata dles mixtapes: “TOTAL”, “COSTA YA WATAN” w “CHYATA DL’ALBUM”, wbezaf dles singles. F 2013 Lmorphine aykhrej mixtape “PAPRIKA”, wghay7et we7da mn a9wd les chefs-d’oeuvres dyal rap lmghribi li hya “l’morphiniya 17″. Mn be3d lmorphine ayb9a y7et les singles bin 2013 w 2017, bezaf d l’morphiniyat (18->29) wchi freestylat. F 2017 lmorphine ghaydkhl f beef m3a lferda, w niveau d lmorphine ghayban harb wdmaghou 3amr 3la lferda, hna wa7ed l audience jdida at3ref 3la lmorphine, wghadi tzad chouhra dyalo bezaf.
Flkhr dyal 2017, aydkhl lmorphine f beef legendaire m3a pause flow, ayt7eto fsimana 7 dyal les clashs, lmorphine 7et “stan”, “2/3” w “round 3 fight”, lmorphine b7al dima byen 3la niveau kbir fles clashs, la f technique la fles métaphores li mn 3alam akher. Mn be3d lmorphine khrej des singles wmorphiniyat (30-31). f 2020 ghaykhrj lmorphine projet jdid, mn moura 7 snin sans projets, aykoun awl album 3endo li smeytou “INK”. Mn be3d aytbeefa lmorphine m3a 8ird wmn mouraha m3a klass a. W f 2022, lalbum li les fans mn 2016 kaytsenawh ghaychouf nour akhiran: ep “GALA” . Daba 7alyan lfans kaytsnaw projet jdid ghaytla7 had l3am, smytou “YAKINE”. bnisba l “EXCELSIOR” mazal makayn 3lih hta khbar.
